පාරිභෝගිකයින් සියයට අධික ප්‍රමාණයකගේ බිල් රුපියල් මිලියන විසි දෙකකට වැඩි ප්‍රමාණයක් බිල් පත් ගැලපීම් මගින් (bill adjustments ) ශ්‍රී ලංකා ටෙලිකොම් ආයතනයේ ආදායමෙන් අහිමි වීමට නියමිතයි. මෙහි විශේෂත්වය වන්නේ මෙම හිඟ මුදල් ශ්‍රී ලංකා ටෙලිකොම් ආයතනයේ ආදායම ලෙස සලකන අතර adjustments නොකර සිටීමෙන් මේ අදායම සඳහා ව්‍යවසාය හා තොඟ වෙළදාම් පර්ෂදයේ සියලුම සේවකයින්ට දිරිගැන්වීම් ගෙවනු ලැබේ. 2024 වර්ෂය සඳහා දිරිගැන්වීම් වශයෙන් එම පර්ෂදයේ සේවකයින්ට මිලියන 134 ක මුදල් ප්‍රමාණයක් ගෙවා ඇත.
බිල් පත් ගැලපීම් මගින් ආදායම අඩුවන නිසා එම ගැලපීම් නොකර සිටීම ප්‍රධාන විධායක නිලධාරියාද ප්‍රධාන ව්‍යවසාය හා තොඟ වෙලදාම් නිළධාරියා සහ ප්‍රධාන මුල්‍ය නිලධාරියාද දැනුවත්ව සිදු වීමයි. මෙම ක්‍රියාවලිය නිසා ශ්‍රී ලංකා ටෙලිකොම් ආයතනයේ පෙන්වන ආදායම බොරු ආදායමක් වන අතර මේ නිසා අතෘප්තිමත් පාරිභෝගිකයින් ආයතනය අත හැර යෑම සහ එම ගැලපීම් කරන තෙක් පාරිභෝගිකයින් මුදල් නොගෙවීම නිසා ආයතනයට වන පාඩුවද බොහෝය. තවත් ගැබුරට මෙය අධ්‍යනය කළහොත් තවත් කරුණු බොහොමයක් එළිදරව් කර ගත හැකිය.
මෙය අභ්‍යන්තර විගණනය අංශය මගින් විගණනය කර ප්‍රධාන විධායක නිලධාරියාද ප්‍රධාන ව්‍යවසාය හා තොඟ වෙලදාම් නිලධාරියා සහ ප්‍රධාන මුල්‍ය නිලධාරියාද කරන ලද වංචාව සොයා ගත හැකිය.