මහනුවර නගරයේ දුර ගමන් සේවා බස්රථ වලින් කප්පම් ගැනීම මේ වන තෙක් නතර වී නැතැයි පුද්ගලික බස්රථ වල සේවයේ නියුතු වූවන් පවසයි.
දුර ගමන් සේවා බස්රථ වලින් රුපියල් 500/= බැගින් එකතු කරන කුමාර නමැති රනර් සේවකයා හරහා මෙම මුදල් මධ්‍යම පලාත් මාර්ගස්ථ මගී ප්‍රවාහණ අධිකාරියේ මාසික වැටුප් ලබන ස්ථීර සේවකයන්ට සහ නිලධාරින්ට අත යටින් යන බව පුද්ගලික බස් රථ සේවකයෝ පවසති.
රුපියල් 500/- බැගින් දිවා රාත්‍රී එකතු කරන විශාල මුදල සතියකට ලක්ෂ පහක් ඉක්මවන අතර මෙම මුදල් ඉතා රහසිගතව සූක්ෂම ලෙස බෙදා හැරින අතර මෙම මාෆියාව බෝගම්බර චන්ඩි යැයි කියා ගන්නා කීපදෙනෙක් මෙහෙයවයි.
මධ්‍යම පලාත් සභාවේ මාර්ගස්ථ මගී ප්‍රවාහණ අධිකාරියේ මාළිමා ආණ්ඩුවේ දේශපාළන තනතුර ගත් සභාපති වරයා කයිවාරු ගසමින් සිටියද බස් කප්පම් නවත්තන්වට ඔහුට කොන්ද පණ නැති බව බස් හිමියෝ පවසති.
කප්පම් නොගෙවන බස් රථ වල සේවකයන්ට තර්ජන ගර්ජන එල්ල කරන ප්‍රවාහණ අධිකාරියේ ඇතැම් නිලධාරින් තම වෙලා සටහන්කරුවන් යොදවා එම දුර ගමන් බස්රථ වල කාල සටහන් වලට පවා බාධා කරනු ලබන බව බස් සේවකයන් පවසයි.
මහනුවර බෝගම්බර බස් රථ අංගනයේ සේවයේ නිරත මධ්‍යම පලාත් මාර්ගස්ථ මගී ප්‍රවාහණ අධිකාරියේ කළමණාකරුවන් පරීක්ෂක වරුන් ,විමර්ෂණ නිලධාරින් මේ කප්පම් ගැනීම් ගැන වගේ වගක් නොදන්නා සේ ඉන්නේ සවසට ඔවුන්ගේ කොටස ඉබේම ලැබෙන නිසා බව බස් සේවකයන් පවසයි.
වෙනසක් කරන්නට ආ මාළිමා ආණ්ඩුව යටතේ පුද්ගලික බස් වලින් කප්පම් ගැනීම වැඩිවී ඇති බව පුද්ගලික බස් හිමියන් සහ සේවකයන් සදහන් කරයි.
කප්පම නොදී දැළි පිහි පහර කන්නට බැරි බව පවසන දුර ගමන් සේවා පුද්ගලික බස් සේවකයන් කප්පම් කුමාරට දිනපතා රුපියල් 500/= ගෙවයි.
මේවා නවත්වන්න මධ්‍යම පලාත් ආණ්ඩුකාර අභයකෝන්ටත් ඔහුගේ ගෝලන්ටත් නොහැකි වුවද රාත්‍රීයට දළදා මාළිගාව ඉදිරිපිට වීථී වල මස් පුච්චන් කමින් බීර බොමින් පස්ස උඩ දමා බදාගෙන නටන සංස්කෘතියට ඉඩ දී ඇතැයි මහනුවර ජනතාව පවසති.
අල්ලස් හෝ දූෂණ චෝදනා කොමිෂන් සභාවේ හෝ නිලධාරින් යොදවා කප්පම් මුදල් සාක්කුවට දමාගන්නා මධ්‍යම පලාත් සභාවේ ප්‍රවාහණ අමාත්‍යාංශයට අයත් මාර්ගස්ථ මගී ප්‍රවාහණ අධිකාරියේ මීනී මෝරුන් කොටු කර ගන්නැයි පුද්ගලික බස් හිමියන් සහ සේවකයන් ඉල්ලයි.