හිටපු ජේෂ්ඨ පොලිස් අධිකාරී ශානි අබේසේකර යනු අයෙකුට සයිලොක් හෝම්ස්‍ ය .තවකෙකුට ඔහු හතුරෙක්‍ ය. අපිට නම් ඔහු තම ඉලක්කය වෙත යාමට පාවදෙන කලදුටු කල වහ ඉහගන්නා පොලිස් කාරයෙකි. අප එසේ කියන්නේ ඇයි?
ශානි අබේසේකර යනු ලංකාවේ නොව පිටරට පවා ප්‍රසිද්ධියට පත් මිණිමරු හිටපු නියෝජ්‍ය පොලිස්පති ප්‍රේමදාස උඩුගම්පොළ ගේ ඥාති පුතාය. ඔහු පොලිස් විශේෂ කාර්ය්‍ය බලකායේ එකේ සිටියදී ජනාධිපති ප්‍රේමදාස රජයේ සිටි ප්‍රබල ඇමති වරයා වූ සිරිසේන කුරේගේ ආරක්ෂක නිළධාරියා වූවාය. ඒ සදහා එවකට නිවාස ඇමති ධූරය හෙබවූ සිරිසේන කුරේ ගෙන් තෑග්ගක් ලෙසට නාරාහෙන්පිට මැනිං ටවුන් හි නිවසක් ලැබුණේය. ඔහු කියන්නේ ඔහු නියමිත ක්‍රමවේදය අනුව නිවසක් ලබාදෙන ලෙස ඉල්ලීමක් කල බවත් ඒ අනුව මෙම නිවස ලැබුන බව ය. එකල එසේ ඉල්ලීම් කල පොලිස් නිලධාරීන් කීදෙනෙකුට මැනිං ටවුන් නිවාස ලැබුනේද යන්න දන්නේ ශානි අබේසේකර පමණි. එසේම ඔහු නිසි කලට පොලිස් පරීක්ෂක උසස්වීම් ලබාගත් අතර 2005 වසරේ දී 2003 පෙරදාතමින් ප්‍රධාන පොලිස් පරීක්ෂක ලෙස උසස් විය. එවකට අපරාධ පරීක්ෂණ දෙපාර්තමේන්තුවේ සිට පැවති මහින්ද රාජපක්ෂ ආණ්ඩුවට කඩේ ගිය නිසා රාජපක්ෂලාගේ පිහිටෙන් එම උසස් වීම 2001 වසරට පෙරදාතමින් යාවත්කාලීන කර ගත්තේය. ඊළගට 2008 වසරේ සහකාර පොලිස් අධිකාරිය ධූරයට උසස් වන ශානී 2015 මෛත්‍රීපාල සිරිසේන සහ රනිල් වික්‍රමසිංහ ප්‍රමුඛ ආණ්ඩුවට කඩේ ගොස් රනිල් වික්‍රමසිංහ මගින් සහකාර පොලිස් අධිකාරී උසස් වීම 2003 ට පසු දාතමින් යාවත්කාලීන කර ගෙන ඇත.
ඒවන විට ශානි අබේසේකර පොලිස් අධිකාරී ලෙස සිටි අතර ඒ ඉක්මනින් ඔහු 2018 දී ජේෂ්ඨ පොලිස් අධිකාරි ධූරයට ලබාගත් උසස්වීම 2015 ට පෙරදාතමින් යාවත්කාලීන කර ගෙන තිබෙි. ඒ සියල්ල කර ගත්තේ රනිල් වික්‍රමසිංහ මාර්ගයෙනි. ඔහු සමග රාජපක්ෂලා කිපෙන්නේ වත්මන් පාර්ලිමේන්තු මන්ත්‍රී ඩීවී චානකගේ පියාව ඩීවී උපුල්ව අපරාධ පරීක්ෂණ දෙපාර්තමේන්තුව අත් අඩංගුවට ගත් මොහොතේ එහි අධ්‍යක්ෂ ලෙස ශානි අබේසේකර විසින් හිරිහැර කිරීම නිසා කිපුන ඩීවී උපුල් ප්‍රසිද්ධියේම ශානි අබේසේකර ව පොලීසියෙන් එලවා දමන බව කී කතාව නිසාවෙනි.
ශානි අබේසේකර 2021 දී විශ්‍රාම ගියේ වැඩ තහනම්ව සිටියදීය. පසුව ඔහුට ඇති චෝදනා වලින් ඔහු නිදහස් වීමෙන් පසුව තමාව නියෝජ්‍ය පොලිස්පති කරන ලෙසට පොලිස් කොමිෂන් සභාව වෙත පස් වතාවක් ඉල්ලීම් කල අතර ඒ සියළුම අවස්ථා වලදී පොලිස් කොමිෂන් සභාව එම ඉල්ලීම් ප්‍රතික්ෂේප කරන ලදි. එයට හේතුව වූයේ ඔහුගේ සියළුම උසස්වීම් පැවති ආණ්ඩුවල ආශිර්වාදය යටතේ පසුදාතමින් ලබා ගැනීමයි. පොලිස් කොමිෂන් සභාව ඉල්ලීම ප්‍රතික්ෂේප කර තිබූ බව ඔහු දැනුවත් වූ පසු ඔහුට හිතවත් යූ ටියුබ් කාරයන් ලවා ඔහුව නියෝජ්‍ය පොලිස්පති ධූරය ට උසස්කල බවට කෘතිම පුවතක් නිර්මාණය කර ප්‍රචාරය කළේය. ඒ පොලීසිය දන්නා ශානි අබේසේකර ගේ හැටිය.
ශානි අබේසේකරගේ අලුත්ම සෙල්ලම පසුගිය 21 දින පැවති නියෝජ්‍ය පොලිස්පතිවරු පත්කිරීමේ සම්මුඛ පරීක්ෂණයට ඉදිරිපත් වීමයි. ඔහු සමග කාදිනල්ට ,ශානි අබේසේකරට සහ රවී සෙනවිරත්නට ඇවැසි ලෙසට පාස්කු ප්‍රහාරය පිලිබඳ ජනාධිපති කොමිෂන් වාර්ථාව කියවමින් සිට විශ්‍රාම ගොස් නැවත ජනාධිපති අනුර කුමාර දිසානායක මහතාගේ වචනය අනුව රීලෝඩ් එකක් දාගෙන සේවයට පැමිණීමට සිටින හිටපු වැඩ බලන නියෝජ්‍ය පොලිස්පති අම්පාවිලද ගියේය.
වත්මන් ජනාධිපති අනුර කුමාර දිසානායක මහතා පාර්ලිමේන්තු මන්ත්‍රීව සිටියදී විශ්‍රාම ගොස් ගෙදර ඉන්න අය මෙලෙසට සක්‍රිය සේවයේ ඉන්නා අයට උසස්වීම් ලබාදීමට පවත්වන සම්මුඛ පරීක්ෂණයක් සදහා සහභාගී වූවානම් පාර්ලිමේන්තුව තුලදී පමණක් නොව ප්‍රසිද්ධ වේදීකාවේදී ඔහු අත උල්කර කරුණු ඉදිරිපත් කරන අයුරු අපිට මැවී පෙනේ. ඒත් අද එය සජීවී ලෙස දකින්න අපි පිං කර නැත අපේ කරුමෙට අනුර කුමාර දිසානායක මහතා අද ජනාධිපති ය.
අනුර කුමාර දිසානායක ජනාධිපතිට අවශ්‍ය තම පැවැත්ම සදහා පක්ෂ පාට මාරුකර ගනිමින් නීතීය ගැන නොසිතා පවතින ආණඩුවට කඩේ යන පවතින ආණ්ඩුවේ දේශපාලකයන්ගේ ගෙවල්වල වළං සේදීමට සැදී පැහැදී සිටින ශානී අබේසේකරව නියෝජ්‍ය පොලිස්පති කිරීමට නම් ඔබගේ ප්‍රධානත්වයෙන් පවතින කැබිනට් මන්ඩලයට කැබිනට් පත්‍රිකාවක් ඉදිරිපත් කර එය සිදු කළ හැකිය. එසේ නොකොට අවුරුදු 159 ක ඉතිහාසයක් ඇති පොලිස් දෙපාර්තමේන්තුවේ උසස්වීම් ලබා දීමේ ක්‍රමවේදය ගණිකා වෘත්තියේ නොයෙදවන යුතුය.
( අගතියට පත්වන සක්‍රිය සේවයේ යෙදී සිටින ජේෂ්ඨ පොලිස් අධිකාරීවරු පිරිසක් විසින් විද්‍යුත් තැපෑලට එවන ලද්දකි.)